Поиск

   

 

 

«Рудный қалалық жұмыспен қамту және әлеуметтік бағдарламалар бөлімі» ММ барлық меншік нысанындағы жұмыс берушілерге 3-ТН статистикалық нысанға сәйкес жасырын жұмыссыздық туралы мәліметтерді (қысқартылған және ішінара жұмыспен қамтылған қызметкерлер, жалақы бойынша берешек туралы) ұсыну қажеттілігі туралы ескертеді.
3-ТН нысаны ай сайын келесі жағдайлардың бірі болған кезде «Рудный қалалық жұмыспен қамту және әлеуметтік бағдарламалар бөлімі» ММ-не тапсырылады:
- өндірісті толық тоқтату (жұмыстар мен қызметтерді орындауды тоқтату);
- толық емес жұмыс уақыты режиміне көшу (ішінара тоқтату, өндіріс көлемін қысқарту, жұмыс режимін өзгерту);
- жалақы бойынша мерзімі өткен берешек болған кезде.

Ведомстволық статистикалық бақылау бойынша статистикалық нысан

Статистикалық нысанды толтыру бойынша нұсқаулық

 

«Рудный қалалық жұмыспен қамту және әлеуметтік бағдарламалар бөлімі» ММ «Халықты жұмыспен қамту туралы» ҚР 2016 жылғы 6 сәуірдегі №482-V Заңына сәйкес жұмыс беруші Рудный қаласы әкімдігінің «Жұмыспен қамту орталығы» КММ-не келесі мәліметтерді ұсынуға міндетті екені еске салады:
1. Жұмыс беруші — заңды тұлғаның таратылуына не жұмыс беруші — жеке тұлға қызметінің тоқтатылуына, адам санының немесе штаттың қысқартылуына байланысты, жұмыс берушінің экономикалық жағдайының нашарлауына әкелетін өндірістердің және орындалатын жұмыстар мен көрсетілетін қызметтер көлемінің төмендеуі кезінде алдағы уақытта жұмыскерлердiң жұмыстан босайтыны туралы, босатылатын жұмыскерлердiң лауазымдары мен кәсіптері, мамандықтары, бiлiктiлiгi және еңбекақы мөлшерi көрсетiле отырып, жұмыстан босатылуы мүмкiн жұмыскерлердiң саны мен санаттары туралы және олар жұмыстан босатылатын мерзiмдер туралы жұмыстан босату басталардан кемінде бір ай бұрын толық көлемде ақпарат беруге;
2. Бос жұмыс орындарының (бос лауазымдардың) болуы туралы мәліметтерді еңбек жағдайлары мен төлемақысын көрсете отырып, пайда болған күнінен бастап үш жұмыс күнi iшiнде ақпарат беруге;
3. Жолдамаға тиiстi белгi қою арқылы себебiн көрсете отырып, жұмысқа қабылдау немесе жұмысқа қабылдаудан бас тарту туралы дер кезiнде (жұмысқа орналастыру үшін жiберген күннен бастап бес жұмыс күнi iшiнде) хабарлауға;
4. Мүгедектерді, пробация қызметінің есебінде тұрған адамдарды, бас бостандығынан айыру орындарынан босатылған адамдарды, кәмелеттік жасқа толғанға дейін ата-анасынан айырылған немесе ата-аналарының қамқорлығынсыз қалған жастар қатарындағы білім беру ұйымдарының түлектері болып табылатын азаматтарды жұмысқа орналастыру үшін белгіленген квотаны орындауға.
Алған мамандығы мен біліктілігін көрсете отырып, кәсіптік даярлаудан, қайта даярлаудан және өндiрiсішілiк оқытудан өткендердің саны туралы мәліметтерді тікелей «Рудный қалалық жұмыспен қамту және әлеуметтік бағдарламалар бөлімі» ММ-не ұсыну қажет.

 

 

Бос жұмыс орындардың бар болуы жөнінде азаматтарға кең хабарлау мақсатында www.enbek.kz   веб-сайтында  «Жұмыс» деген ақпараттық портал әрекет етеді, онда жұмыс берушілерге «Түйіндемелер» деген дерекқорымен танысуға, бар болған бос жұмыс орындары туралы мәліметтерді енгізуге, енгізілген бос жұмыс орындарға Интернет-түйіндемелерді алуға, электрондық бос жұмыс орындары жәрмеңкелеріне қатысуға мүмкіндік беріледі.  
Жұмыс іздеп жүрген тұлғалар үшін  бос жұмыс орындар дерекқорымен танысу, өзінің Интернет-түйіндемесін жариялау, жұмыс берушілерден  бос жұмыс орындарына жазылуды ресімдеу мүмкіндігі бар.
Сондай-ақ «Жұмыс» порталында Сіз жұмыс іздеушілерге және жұмыс берушілерге  берілетін кеңес ала аласыз, кадрларды қайта даярлайтын оқу орындарының тізімімен таныса аласыз, жұмыс берушілер үшін  бекітілген құжаттар нысандарын ала аласыз.
Порталда жұмыс істеу барысында қиыншылықтар болған жағдайда Сізге  Пионер көшесі, 21 мекенжай бойынша «Рудный қалалық жұмыспен қамту және әлеуметтік бағдарламалар бөлімі» ММ-не  № 8, 14 кабинеттеріне немесе 2-44-92, 2-44-95 телефондары арқылы  өтініш білдіруге болады.

 

 

Конкурс өткізу туралы хабарландыру

 

«Рудный қалалық жұмыспен қамту және әлеуметтік бағдарламалар бөлімі» мемлекеттік мекемесі Рудный қаласы әкімдігінің «Жұмыспен қамту орталығы» коммуналдық мемлекеттік мекемесі директорының бос лауазымына орналасуға конкурс жариялайды, санаты G-4 – 1 бірлік, лауазымдық жалақысы мамандығы бойынша жұмыс өтіліне байланысты 96556 теңгеден 115526 теңгеге дейін.

Рудный қаласы әкімдігінің «Жұмыспен қамту орталығы» коммуналдық мемлекеттік мекемесінің орналасқан жері Рудный қаласы, Пионер көшесі, 21 үй, телефоны 4–38–59.

Мекеменің негізгі қызметі өз бетінше жұмыспен айналысушыларды, жұмыссыз және табысы аз халықты өнімді жұмыспен қамтуға қатыстыру болып табылады.

Директордың қызметтік міндеттері: Мекеменің Жарғысына сәйкес мекеменің қызметін басқару.

Конкурсқа қатысатын үміткерлерге қойылатын талаптар: білімі – жоғары: гуманитарлық, экономикалық, заңгерлік, мемлекеттік басқару, әлеуметтік қорғау және жұмыспен қамту жүйесіндегі басшы лауазымдарында кемінде 3 жыл немесе экономиканың басқа салаларында басшы лауазымдарында кемiнде 5 жыл жұмыс стажы болуы.

Конкурс 2011 жылғы 29 желтоқсандағы «Казахстанская правда» газетінде жарияланған Қазақстан Республикасы Үкіметінің 2011 жылғы                    18 қарашадағы № 1353 қаулысымен бекітілген Мемлекеттік кәсіпорынның басшысын тағайындау және аттестаттау, сондай–ақ оның кандидатурасын келісу қағидаларын бекіту туралы ережелеріне сәйкес жүргізіледі.

Конкурсқа қатысушылар үшін әңгіме жүргізу бағдарламасы Қазақстан Республикасының Конституциясын, Қазақстан Республикасының Азаматтық кодексі (Жалпы және Ерекше бөлімдері), Қазақстан Республикасының «Сыбайлас жемқорлыққа қарсы күрес туралы», «Мемлекеттік құпиялар туралы», «Халықты жұмыспен қамту туралы», «Мемлекеттік сатып алулар туралы», «Мемлекеттік мүлік туралы», «Жұмыспен қамту 2020 жол картасы» Заңдарын қамтиды.

Конкурсқа қатысу үшін қажетті құжаттар:

  1. конкурсқа қатысу туралы өтініш;
  2. мемлекеттік және орыс тілдерінде түйіндеме;
  3. еркін нысанда жазылған өмірбаян;
  4. білімі туралы құжаттардың көшірмелері;
  5. еңбек кітапшасының (ол болған кезде) немесе еңбек шартының көшірмесі не соңғы жұмыс орнынан жұмысқа қабылданғаны және еңбек шартының тоқтатылғаны туралы бұйрықтардың көшірмелері;
  6. Қазақстан Республикасы Денсаулық сақтау министрлігінің 2010 жылғы 23 қарашадағы № 907 бұйрығымен бекітілген (Қазақстан Республикасының Нормативтік құқықтық актілердің тізілімінде 2010 жылы 21 желтоқсанда № 6697 болып тіркелген) нысандағы денсаулығы туралы анықтама.

Конкурсқа қатысу үшін қажетті құжаттар «Рудный қалалық жұмыспен қамту   және әлеуметтік бағдарламалар бөлімі» ММ сағат 9–00-ден бастап 18–00-ге дейін осы хабарландыру бұқаралық ақпарат құралдарының ресми басылымдарында жарияланған сәттен бастап 15 күннің ішіндемына мекенжай бойынша тапсырылуы тиіс: Рудный қаласы, Пионер көшесі, 21 үй, № 19 кабинет. Анықтама үшін телефондар: 4–15–97.

Конкурсқа қатысуға тілек білдірген тұлғалардан құжаттар қабылдауды басталатын күні конкурс өткізу туралы хабарландыруды орналастыру күннен бастап және конкурс өткізу туралы жариялау күннен 15 күнтізбелік күн өткен соң айқындалады.

Конкурс 2014 жылғы 19 маусымда сағат 10–00-де Рудный қаласы, Пионер көшесі, 21 үй мекенжай бойынша орналасқан «Рудный қалалық жұмыспен қамту және әлеуметтік бағдарламалар бөлімі» ММ ғимаратының № 18 кабинетінде өткізіледі.  

 

   
© Государственное учреждение "Рудненский городской отдел занятости и социальных программ"